FEATURE - Kaendahan Pulau Bali

Kaendahan Pulau Bali

Pulau Bali inggih menika salah satunggaling papan karemenanipun para turis, turis lokal lan ugi turis saking manca nagari. Bali nggadhahi pantai ingkang unik, alam ingkang endah, lan masyarakatipun ugi nggadhahi kabudayan asli ingkang tasih sanget kenthel. Salah satunggalipun pantai ingkang misuwur inggih menika pantai sanur. Pantai menika nggadhahi ciri khas kanthi watu karangipun, pasiripun ingkang resik, lan ombak segantenipun ingkang mendayu-dayu.

Sanesipun pantai Sanur, sejatosipun tasih wonten kathah papan liburan wonten ing Bali ingkang sanget narik kawigatosan. Nanging, menawi ngersakaken kenyamanan lan letenangan, pantai Sanur dados pilian ingkang sae. Kathah sanget turis ingkang nekani pantai menika kangge berjemur lan midangetakn matahari terbit ingkang sanget endah.

Pantai Sanur inggih menika papan ingkang sanget ideal kangge liburan sareng kaliyan keluarga. Pantainipun resik, ombak segantenipun mboten ageng sanget. Sanesipun menika, wonten mrika kathah sanget pedagang dhaharan alit ingkang nyade dhaharan unik lan enak kadosta lumpia, jagung bakar, lan dhaharan camilan sanesipun.

            Sanesipun pantai Sanur, papan ingkang mboten kalah kondhangipun inggih menika trunyan. Trunyang menika desa Kuno ingkang papanipun wonten ing pinggir danau Batur ingkang dados obyek unik lan menarik amargi sistem penguburanipun kanthi ndelehaken jisim wonten ing liang lahat kanthi kedalaman kinten-kinten 20cm kanthi rainipun dipunbuka ngadep nginggil tanpa dipunpendhem mawi tanah nanging mboten nyebaraken smbu ingksng mboten nyekecakaken kangge alam sekitaripun.

            Wonten ugi Goa Lawah. Goa Lawah papanipun wonten ing pinggir mergi ageng ingkang nghubungaken kitha Klungkung kaliyan kitha Karangasem, wonten ing bibir pantai, kalebet wilayah desa Pasinggahan kecamatan Dawan kabupaten Klungkung Bali. Goa Lawah menika perpaduan antawisipun Gunung lan seganten ingkang arang jawah terkecuali wonten ing musimipun lan udaranipun sekedhik panas kanthi angin seganten radi kenceng.

Goa Lawah inggih menika Goa Alam ingkang wonten ing mulut Goa dipunhuni kaliyan atusan Kelelawar buah, amargi saking menika masyarakan setempat paring nama Goa Lawah. Daya tarik Goa Lawah inggih menika jumlah Kelelawar buah ingkang bergantungan wonten ing mulut goa sadawanipun dinten kanthi maneka macem suwantenipun ingkang khas.

Sanesipun ingkang sampun dipunsebataken wonten ing nginggil menika, tasih wonten kunjungan babagan museum, patilasan budaya Bali kawit jaman rumiyin, ugi wonten pura-pura ingkang ageng. Bali menika nate dipunjuluki minangka “The Island of Gods” , “ The Morning of The World”, “ The Last Paradise”, lan tasih kathah julukan- julukan sanesipun.